Порталот iFixit ги претставува уредите на уникатен начин и секојпат се интересни за гледање. Овој пат на ред за расклопување под алатките е првиот телефон на Google, Pixel XL. Хардверот беше познат и пред отворањето, но сега може да видиме како изгледа распоредот во телефонот. Интересно е што телефонот има прилично висока оценка за сервисирање – 6/10. Предностите се што сите делови се модуларни и лесни за замена; најголем проблем е отворањето на телефонот бидејќи постои голема можност за уништување на дисплејот.
Во случај да заборавивте, еве дел од електрониката во Pixel XL:
- 5.5-инчен AMOLED QHD дисплеј со 1440 x 2560 резолуција (534 ppi)
- 64-битен Qualcomm Snapdragon 821 процесор (2.15 GHz + 1.6 GHz) со 4GB LPDDR4 RAM
- 12.3-MP, f/2.0 главна камера и 8 MP предна камера
- 32 GB или 128 GB слободен простор, изработен од Samsung
- Читач на отпечатоци
- Батерија со капацитет 13.28 Wh која може да се наполни доволна за 7 часовна работа за 10 минути
