Новиот алгоритам за компресија од Google ќе а ги намали фајловите, а со тоа ќе се забрза видео стримот, но и преземање на фајловите. Brotli е со отворен код, може да ги намали фајловите за 26 отсто повеќе од алгоритмите за компресија кои сега се користат, а со тоа и да го „забрза“ отворањето на страни, видео и сите останати содржини.
Намалувањето на сликите, веб-фонтовите и останатите содржини, нема да доаѓа на сметка на процесирачката моќ, бидејќи Brotli помалку го оптоварува процесорот од останатите стандарди како: Zopfli, LZMA и LZHAM.
„Зголемувањето на компресијата овозможува подобро користење на просторот и побрзо отворање на веб-страни. Се надеваме дека во иднина форматот ќе биде подржан од сите прелистувачи, а поголемата компресија ќе биде уште поважна за мобилните корисници, кои освен помал сообраќај помалку ќе ја оптоваруваат и батеријата,“ вели Золтан Сзбадка од тимот зад Brotli на блогот на Google.
