Зошто да ја играте?
- Сакате кратка, но едноставна приказна
- Интересен стил на цртежи и музика
Waiting in the Lime forest започнува со смртта на едно невино дете. Вашата задача е да ја расветлите мистеријата зад трагедијата и да се погрижите виновниците да бидат казнети. Unica и BARON DU JUVÉNILE имаат разработено интересна комбинација од point-and-click авантура и визуелен роман. Како резултат, добивате кратка приказна со неколку впечатливи ликови.
Вие играте со Едвард – добродушен човек кој живее за да помага на другите, трудејќи се да не подлегнува лесно на емоциите. Како најново лице на кое ќе сакате да помогнете е Оливер.
На почетокот, се чини дека Оливер е сѐ што Едвар не е. Младото лице е оптоварено со болни спомени, нечесто поврзани со поранешни љубовни партнери. Траумите допринесуваат Оливер да не ја забележува линијата која ја одделува реалноста од фантазијата, особено кога низа ситуации ќе допринесат да биде обвинет за убиство.
Во вашата мисија да му помогнете да се издигне од понорот, ќе побарате подршка и од вашето куче. Во одредени моменти, Макс имаше позитивно влијание на ликовите, внесувајќи ревитализирачка свежина.
Попладневно освежување
Во случај да имате слободно попладне и сте расположени за експериментални визуелни романи, би можеле да ја погледнете најновата игра на BARON DU JUVÉNILE, и WSS. Нема никакви комплексни механики во Waiting in the Lime forest. Само едноставно редење дијалози и минималистичко истражување. Понекогаш, ова е сосема доволно за во една игра.
Повеќе детали за Waiting in the Lime forest:
- Произведува: Unica, BARON DU JUVÉNILE
- Издава: BARON DU JUVÉNILE, WSS
- Жанр: авантура
- Платформа: Microsoft Windows
- Излезе на: 16 јануари 2025
Краткотрајна распродажба на бројни игри од WWS издавачот
WSS или Why so serious?, Inc. е јапонски издавач на видео игри. Основана во Токио во 2029-та година, издавачот се залага за издавање најразлични уникатни игри како што се Needy Streamer Overload и Touhou Luna Nights.
Доколку сте заинтересирани и за други игри на овој издавач, би можело да ве израдува да прочитате дека голем дел од нивните игри се на попуст. До 29 јануари, распродажбата нуди намалени цени на наслови како NEEDY STREAMER OVERLOAD, Record of Lodoss War, и Boyhood’s End.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
