Radiooooo е веб сајт со уникатен дизајн и уште поуникатни механизми за откривање најразлична музика.
По посетување на сајтот, пречекани сте од мапа од целиот свет. Преку мапата можете да изберете одредена држава, а потоа и деценија за да слушате песни од изведувачи од таа земја во одреден временски период. Најблиску до Македонија што можевме да дојдеме е да избереме Југославија и да преслушаме интересни нумери од изведувачи во најразлични временски периоди.
Доколку сакате навистина да се изненадите во поглед на откривање музика, можете да изберете да ви се нуди брза, бавна или „чудна“ музика. Паралелно со ова, можете и да создавате најразлични плејлисти. Доколку некоја песна ви се допадне, можете да ја лајкнете, а и да го заследите лицето кое ја открило песната (дел од овие работи се заклучени зад претплата).
Доколку навистина сте импресионирани од невообичаениот концепт кој стои зад Radiooooo, можете да се претплатите на месечно или годишно ниво за да можете всушност да ги лајкнувате песните, да прескокнувате песни, да ги враќате, и уште неколку други предности.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
