Размазени од стриминг сервисите како Spotify, можеме лесно да заборавиме дека во добрите стари времиња, првин се преземаа, а потоа се репродуцираа песните, обично во форма на MP3-и.
Во случај да и понатаму одбивате да го прифатите модерното доба и удобноста од стримањето музички нумери, тогаш потребен ви е и соодветен плеер за слушање на вашата претходно преземена музика.
AIMP е, според многумина, несуденото дете на Winamp. Плеерот расте уште од далечната 2006 година и, денеска, најновата верзија се одликува со модерен изглед, бројни корисни опции, како и поддршка за бројни формати. За пофалба е одличниот дизајн кој јасно ги прикажува сите клучни елементи; local files е полето задолжено за листање на преземените песни, bookmarks за вашите омилени, a преку My Clouds можете песните да ги поставите на облак, па од таму, пак, да ги стримате (ете, се нема спас изгледа од модерните предности).
AIMP се само еден од многу вакви плеери и набргу подготвуваме значително поголема листа со подобрите алтернативи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Winamp има апп за мобилен. Освен за следење на креатори, имаат опција за локални фајлови. А уште подобро е што имаат понуда и за радиа. Повеќе ја користам за радија.
https://play.google.com/store/apps/details?id=com.winamp.release
и веб-апп има. Прилично нова и пробуваат да бидат конкуренција во стриминг.
Здраво VlaJov, мило ни е што ни пиша, успеја да не заинтригираш, особено за делот со слушањето радио станици! :)