За повеќето корисници, просторот за дигитални фајлови не претставува пречка, но капка по капка знае да направи вир, особено кога се работи за складирање или, уште поважно, споделување фотографии.
Shrink.media е веб сајт кој ви дозволува да ја намалите големината на сликите преку имплементирање паметни методи на компресија и намалување димензии. На овој начин, побрзо и полесно ќе можете да споделувате фотографии, а доколку пак поставувате фотографии на вашиот веб сајт, тогаш вчитувањето ќе биде значително побрзо за посетителите.
Откако ќе го посетите Shrink.media, вметнете фотографија, која може да е во форматите, png, jpeg, jpg, или webp, и преку лизгачот Photo Quality подесете го квалитетот на сликата, а преку лизгачот Photo Dimentions, одредете ги димензиите. Под лизгачите имате пример за тоа како изгледа фотографијата, заедно со релавантни податоци за пред и после ефектите и колку се намалува големината, а со тоа и резолуцијата на сликата. Со кликнување на копчето Download, ја преземате сликата.
