Tactical Adventures е француското инди студио кое е задолжено за одличната тактичка RPG игра од изометрична перспектива – Solasta: Crown of the Magister. Основната игра излезе во мај 2021 година и за брзо време успеја да ги импресионира гејмерите со (релативно) впечатлива приказна и бројните одлуки кои ги донесувате. Покрај ова, на многумина им се допаднаа разноликите места за истражување и длабоките гјемплеј механики.
Охрабрени од 88% позитивни рецензии на Steam, студиото неуморно исфрлаше додатоци за играта. Подоцна почна со ефикасна кампања за префрлување на играта на конзолите. Како комплетна едиција, Solasta: Lightbringers Edition излезе за конзолата на Microsoft во мај 2023 година. Овој месец, меѓутоа, играта излезе и за конзолата на Sony, попрецизно за PS5. На кратко, би сакале да ги споделиме нашите впечатоци за комплетната едиција. Но, првин, трејлерот!
D&D блаженство!
Од секој можен аспект, Solasta: Crown of the Magister се одликува со огромна длабочина која сведочи за неуморна посветеност на развојното студио. Прво нешто што морате да направите е тим од четворица херои. Доколку решите вие лично да ги правите сите четворица, сметајте дека ќе изгубите најмалку еден час. Запрепастувачки е колку многу се посветува многу внимание и најситните детали; од начинот на кој изгледа ликот, па сѐ до личното минато, внатрешни мотивации и ред други работи.
Ваквата мазохистичка посвета на детали се одгледа и во начинот на кој се осмислени D&D 5e правилата, дизајнирањето на околините, како и бројните механики поврзани со тактичките битки. Она што сакаме да кажеме е дека, доколку сте фанови на Divinity Original Sin и Baldur’s Gate 3, тогаш Solasta: Crown of the Magister треба да биде вашата трета задолжителна лектира. Да, приказната и глумата можеби не се на исто ниво како насловите на Larian, но тактичките битки и истражувањето се на исклучително високо место.
Додатоци за Solasta: Crown of the Magister:
Како што напоменавме, Solasta – Lightbringers Edition ја содржи оригиналната игра заедно со 12-те нивоа од кои се содржи четириесет-часовната кампања. Но, крајот на таа кампања е само почеток на нова авантура која продолжува преку содржилните додатоци.
- Solasta: Crown of the Magister – Primal Calling – две нови класи, со шест подкласи и дополни квестови
- Solasta: Crown of the Magister – Lost Valley – нова кампања и подкласи
- Solasta: Crown of the Magister – Inner Strength – три нови класи и 9 нови подкласи
- Solasta: Crown of the Magister – Palace of Ice – нова кампања
Solasta – Lightbringers Edition е една од подобрите RPG игри. Во поглед на тактизирање и епски битки може комотно да стои раме-до-раме со најдобрите игри од овој жанр. Играта е одлично оптимизирана за PS5, со стабилни 60 фрејмови во секунда, а бројните комплексни операции се одлично вклопени за активирање преку контролерот. Така да, доколку барате дружење со солидна RPG игра пред големите екрани, Solasta е одличен избор!
Повеќе детали за играта
- Произведува: Tactical Adventures
- Издава: Tactical Adventures
- Жанр: RPG
- Платформа: Microsoft Windows, конзоли
- Излезе на: 6 март 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
