Flashlight by whistle е интересна апликација која го вклучува блицот од вашиот телефон секојпат кога ќе свирнете. Ова знае да биде корисно во ситуации кога се наоѓате во темен простор, но не сте во можност да користите прсти или пак сакате побрзо да вклучите блиц. Исто така, во ситуации кога не можете да си го најдете телефонот, со свиркање би можеле да ја откриете локацијата на телефонот.
Нешто на што треба особено да внимавате доколку сакате да ја користите оваа апликација се дозволите кои треба да ги дадете. Имено, Flashlight by whistle бара постојан пристап и до камерата и до микрофонот. Микрофот е вклучен постојано за да детектира свиркање, а камерата мора да е вклучена за да може да се активира блицот. Како резултат на ова, би можеле да се загрижите и за вашата приватност и за вашата батерија која, подразбирливо, побрзо би се потрошила. За среќа, може да наместите, апликацијата да не е активна кога активно го користите телефонот.
За оние кои не се по свиркање, Flashlight by whistle дозволува активирање блиц и секојпат кога ќе регистрира одреден звучен тон.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Кога видов колку реклами има ми се одмиле и свиркање и апликацииве.