Во случај да го користите најпопуларниот стриминг сервис за филмови и серии тогаш многу добро ја знаете маката поврзана со Netflix. За жал, филмовите имаат „оцени“, но таквата оценка се заснова на систем од лајкови, односно дислајкови. Како резултат, се губите во морето од предлози и не можете да донесете правилна одлука за тоа што да гледате.
Точно е дека за вкусови не се расправа и она што им се допаѓа на поголемиот дел филмомани не значи дека и на вас ќе ви се допадне, но сепак, не е лошо да имате подобра претстава пред да направите временска посвета со одреден филм или серија.
Во случај да користите Netflix преку прелистувачот Firefox, екстензијата Film scores for Netflix поставува оценка покрај секој филм/ серија. Оценката ја влече од познати сервиси како IMDB, Rotten Tomatoes и слично.
Од друга страна, доколку Chrome е вашиот избор, би можеле да ја погледнете екстензијата Film scores for Netflix! Екстензијата прикажува оценки од бројни критичари, не само за Netflix, туку и за Prime Video, Disney+, HBOMax, Hulu, PeacockTV, Paramount+ и AppleTV.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
